ओलीले सुदूरपश्चिमलाई मन्त्री दिएका होइनन् किनेका हुन् : भीम रावल

राजनीति
सेयर गर्नुहोस्
  •  
  •  
  •  
  •  
  •  
  •  

धनगढी:  नेपाल कम्युनिस्ट पार्टी (नेकपा)प्रचण्ड–माधव पक्षका नेता तथा सुदूरपश्चिम प्रदेश इन्चार्ज भीम रावलले सुदूरपश्चिममा आफ्नो पक्षमा नेता कार्यकर्ता तान्न प्रधानमन्त्री केपी शर्मा ओलीले मन्त्रीहरू किनेको आरोप लगाएका छन् ।
‘सुदूरपश्चिममा चारवटा मन्त्री दिएर प्रचार गरेका छन्’, प्रदेशस्तरीय बैठकमा बोल्दै उनले भने, ‘मन्त्रालय दिएको होइन । किनेका हुन् ।’ ***** यो समाचार को पुरा भिडियो हेर्न तल क्लिक गर्नुहोला*****

यसअघि नेकपा दुईवटा समूह नहुँदा प्रधानमन्त्री ओलीसँग सुदूरपश्चिमलाई एक मन्त्रालय दिन पनि कति मिहिनेत गर्नु परेको थियो त्यो कुरा ताजै रहेको उनले बताए । ‘यदि केपी शर्मा ओलीले साँच्चिकै सुदूरपश्चिमको विकास चाहेका भए । प्रतिनिधि सभामा डडेल्धुरा, कैलाली निर्वाचन क्षेत्र १ बाहेक सबै र प्रदेश सभामा दुई तिहाइ ल्याउँदा पनि एक मन्त्री दिन कति कञ्जुस्याइँ गरे त्यो सबैलाई थाहै छ ।’

यी सबै कारणले गर्दा केपी ओलीको सुदूरपश्चिम हेर्ने धारणा स्पष्ट भएको उनले दाबी गरे । नेता रावलले सांसद नभएका व्यक्तिहरूलाई मन्त्रिपरिषद्मा ल्याएर ओलीले हास्यास्पद काम गरेको बताए ।नेता रावलले सुदूरपश्चिम प्रदेश समितिको बैंक खातामा रहेको रकम झिकेको स्वीकार गरे ।


सेयर गर्नुहोस्
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *