नारायणकाजीलाई बाबुरामको सुझाव-‘सत्ताको तुजुक नदेखाऊ’

समाचार
सेयर गर्नुहोस्
  •  
  •  
  •  
  •  
  •  
  •  

काठमाडौं : पूर्वप्रधानमन्त्री बाबुराम भट्टराईले ठूलो भ्रष्टाचार काण्डको छानबिनका लागि अधिकार सम्पन्न जनलोकपाल गठन गर्न माग गरेका छन्। बुढीगण्डकी आयोजनामा प्रधानमन्त्री केपी ओली र पूर्वप्रधान मन्त्रीद्वय शेरबहादुर देउवा र पुष्पकमल दाहाल ‘प्रचण्ड’ले अर्बो घुस लिएको आरोप लगाएका बाबुरामले बुधबार यस्तो प्रस्ताव गरेका हुन्। 

बुधबार यो आरोपको नेपाल कम्युनिस्ट पार्टी (नेकपा)का प्रवक्ता नारायणकाजी श्रेष्ठले विज्ञप्तिमार्फत् आपत्ति जनाएपछि उनले अधिकार सम्पन्न लोकपाल गठनको माग गरेका हुन्। उनले त्यसका लागि सहयोग गर्न र आफू दोषी ठहरे दण्डित हुन तयार रहेको बताएका छन्।
बाबुरामसँग कांग्रेसले माग्यो बुढीगण्डकी परियोजनामा अबौं खाएको प्रमाणबुढीगण्डकीमा ओली र प्रचण्डले घुस लिए भन्ने बाबुरामले क्षमा माग्नुपर्छ : नेकपा 

बाबुरामले बुढीगण्डकी आयोजनाको विषयमा आफ्नो अभिव्यक्तिको खण्डन गरेको भन्दै प्रवक्ता श्रेष्ठलाई उनको नाम नलेखी सत्ताको तुजुक नदेखाउन सुझाव पनि दिएका छन्। बुढीगण्डकी, एनसेल, वाइडबडी, सुरक्षा प्रिन्टिंग, यति, ओम्नीलगायत सबै ठूला भ्रष्टाचार काण्डको छानबिन र दण्डसजाय गर्न अधिकार सम्पन्न जनलोकपाल गठन गरौं’, बाबुरामले ट्विट गरेका छन्, ‘सबै उच्च पदासीनको सम्पत्ति छानबिन गरौं। म पूर्ण सहयोग गर्न र दोषी ठहरे दण्डित हुन तयार छु। जस्केलाबाट छिर्नेहरूले सत्ताको तुजुक नदेखाऊॅ।’   


सेयर गर्नुहोस्
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *