कोरोना खोपपछि भारतले गर्‍यो नेपाली किसानलाई फाइदा पुग्ने निर्णय, यस्तो भयो सहमति

समाचार
सेयर गर्नुहोस्
  •  
  •  
  •  
  •  
  •  
  •  

काठमाडौं – कोरोना भाइरस संक्रमणको महामारीका बेला भारत सरकारले नेपाललाई अनुदानमा कोरोना विरुद्धको खोप उपलब्ध गराएको छ । खोप भोलि बुधबारदेखि अग्रपंक्तिमा रहेर काम गरिरहेका व्यक्तिहरूलाई लगाइँदैछ ।

कोरोना महामारीका बेला साथ दिएको भारतले अब नेपाली किसानलाई सहयोग पुग्ने गरी सहमति गरेको छ । प्रधानमन्त्री केपी शर्मा ओली नेतृत्वको सरकारले बंगलादेशबाट रासायनिक मल आउँदैछ भनेर जनतालाई झुक्याएपनि किसानले मल पाएनन् ।
***** यो समाचार को पुरा भिडियो हेर्न तल क्लिक गर्नुहोला****

किसानले मल नपाउँदै लगानी अनुसारको प्रतिफल नभएको गुनासो किसानले गरेका छन् । तत्कालीन कृषिमन्त्री घनश्याम भुसाल किसानलाई मल नल्याई सरकारबाट बाहिरिएका छन् ।

नेपाली किसानलाई देखिएको मलको समस्या समाधान गर्न अब भारत सरकारले नै नेपाल सरकारलाई मल बेच्ने भएको छ । यसअघि भारतले मल निर्यात गर्ने गरेको थिएन ।

नेपालसँग गभर्नमेन्ट टु गभनर्मेन्ट ‘जीटुजी’ (सरकारी स्तर) समझदारी गरेर रासायनिक मल बिक्री गर्न छिमेकी देश भारत सहमत भएको छ । गत माघ २ गते भारतमा सम्पन्न नेपाल–भारत संयुक्त आयोगको बैठकमा नेपालले राखेको मल खरिदमा जीटूजी गर्ने प्रस्तावमा भारतले सहमति जनाएको कृषि तथा पशुपन्छी विकास मन्त्रालयले जानकारी दिएको छ ।

हाल नेपालले ग्लोबल टेण्डरमार्फत मल खरिद गरिरहेको छ । बंगलादेशबाट पैंचोमा मल आउने प्रचार गरिएपनि धेरै ढिला भएको छ ।
***** यो समाचार को पुरा भिडियो हेर्न तल क्लिक गर्नुहोला****

भारतबाट मल ल्याउन जीटूजी मोडल प्रस्ताव गरिएपछि समझदारी बनेको कृषि सचिव डा. योगेन्द्रकुमार कार्कीले जानकारी दिए । ‘परराष्ट्र मन्त्रीस्तरीय बैठकमा भारतले नेपाललाई मल दिन सहमति जनाएको छ, हामीले जीटूजीको मोडल बनाउन तयारी थालेका छौं,’ उनले भने ।

जीटूजीमा मल खरिदबारे भारतसँग भएको समझदारी कार्यान्वयन गर्न परराष्ट्रमार्फत कृषि मन्त्रालयलाई पत्राचार भएको पनि सचिव कार्कीले बताएका छन् । भारतले कति परिमाणमा नेपाललाई मल उपलब्ध गराउने र त्यसको प्रक्रिया के हुने भन्नेबारे मन्त्रालयले प्रारम्भिक चरणको छलफल सुरू गरिसकेको मन्त्रालय स्रोतले जनाएको छ ।

अन्तर्राष्ट्रिय बजारबाट नेपालले हरेक वर्ष करीब ९ अर्ब रुपैयाँ बराबरको ४ लाख मेट्रिकटन रासायनिक मल खरिद गर्ने गरेको छ । यसमा सरकारी स्वामित्वको कृषि सामाग्री कम्पनी र साल्ट ट्रेडिङमार्फत ३ लाख ५० हजार मेट्रिक टन अनुदानको मल खरिद हुनेछ ।


सेयर गर्नुहोस्
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *